Gethek pring,
miring-miring keli ing kali
Natap
padhas, kecanthol carang
Isih
tetep keli tumuju bengawan
Angger
ora putung satange
Prau
cilik ing bengawan umrek
Munyer
munyer ing ulekan kedhung
Isih
tetep kentir tumuju segara
Angger
pinter pangobeke
Prau
gedhe lelayar ing samudra gung
Kasempyok
ombak, kabuncang alun
Lamun
nakodha trengginas lan tatag
Bakal
labuh ing pesisir tau kentir
Gethek
pring, prau cilik, prau gedhe
Ing
kali, ing bengawan lan samudra
Kampul-kampul
kaya arep kadelep
Lamun
ora nggoling ora klelep
Isih
ana dina pangarep-arep
Silire
angin, obahing banyu nyempyok
Mung
sedhela enggal sirna
Pan
mangkono lakune baita panguripan
Kudu
tatag, teteg, tangguh tanggon lan iman
Tidak ada komentar:
Posting Komentar