CAKRAWYUHA

Lan ngertenana, Parikesit. Aku amung

ngitung wanci. Aku amung ngitung wayah

kang bebakal mahyakake pati. Ora bakal ana

pitakon. Iki amung gantining lelakon.

Manjing ajur ajer.

Pandhita seda nggawa pepesthen. Satriya mati

Nggawa tilas. Lan aku? Aku amung nyangking

Wewadi lan carita-carita kang saguh kokpapagi

Ing ngalam impi.

Mula elingana wongabagus. Pati iku amung dalan.

Tanpa pituduh. Tanpa pratandha.

http://www.panjebarsemangat.co.id